Ymddiriedolwyr yn Theatr Gwaun

Daw ein Hymddiriedolwyr o ystod eang o gefndiroedd, ond yr hyn sydd gennym oll yn gyffredin yw dymuniad i weld Theatr Gwaun yn ffynnu fel theatr gymunedol ac ymrwymiad i wneud yr hyn y gallwn i gefnogi hynny. Rydym yn cwrdd bob mis, ond nid yw ein gwaith yn dechrau ac yn gorffen gyda chyfarfodydd! Er ein bod oll yn rhannu cyfrifoldeb dros iechyd cyffredinol y sefydliad, mae gan bob un ohonom feysydd cyfrifoldeb unigol hefyd.

Ar hyn o bryd, rydym yn chwilio am ddau neu dri Ymddiriedolwr ychwanegol, y mae ganddynt ddiddordeb yn un o’r meysydd canlynol neu fwy yn ddelfrydol: iechyd a diogelwch; cyllid; marchnata; cynhyrchu a pherfformio. Os ydych chi’n credu y gallech chi fod yn un o’r bobl yr ydym yn chwilio amdanynt, cysylltwch â’n Cadeirydd, Patrick Thomas, neu unrhyw un o’n Hymddiriedolwyr eraill am sgwrs anffurfiol, heb unrhyw reidrwydd i wneud ymrwymiad pendant.